MAZADAS MARXISTAS
(Marxistas-Grouchistas)
A politica ye l'arte de buscar os problemas, trobar-los, diagnosticar-los erroniamén y aplicar mal os remeyos entibocaus.
Ye millor remanir callau y que piensen que yes fato, que ubrir a boca y que ya no en tiengan garra duda.
Si quiers estar l'alma d'una fiesta, marcha d'ella.
Fueras d'o can, o millor amigo de l'ombre ye un libro. Drento d'o can ye masiau escuro ta leyer.
No bi ha que una forma de saper si un ombre ye onesto: preguntar-le-ne. Si diz que sí, ya sapes que no.
Dezaga d'un ombre trunfán ye una muller; y dezaga d'ella, a suya muller.
Por qué boi con ella? Pos porque me remera a tu; de feito, me remera a tu más que tu.
Ta yo, a telebisión ye muito educatiba. Cada bez que beluno la enchega, marcho t'atra cambra y leigo un libro.
Tiene l'aparienzia d'un idiota y fabla como un idiota, pero no dixe que l'engañe: en reyalidá ye un idiota.
Por qué he d'alticamar-me por a posteridá? Qué ha feito a posteridá por yo?
A yo me casó un chuez. Teneba que aber demandau un churau!
Partindo de cosa, yo solo y sin aduya de dengún, he plegau dica la más estrema miseria.
MAZADAS FOZINAS
Más caga un güei que zien bolandrinas.
Con güena polla, bien se folla.
Más bale peder solo que esclatar en compañía.
Pelo de figa más que un estrinque liga.
An tiengas a olla no fiques a polla.
A qui no ye acostumbrau a calzons le se pelan os collons.
A dengún le puden os suyos pedos ni le parixen os fillos fieros.
Amor de moncha y pedo de flaire, tot ye aire.
Forau con pelo, a marezer-lo!
Cuan o diaple no ha que fer, con a coda caza moscas.
Aprendiz de muitas zenzias nomás sabe que estopenzias.
De pancha chigán, pedo tremolán.
Amostrar sin saber? Como no siga o culo, no sé qué!
Ta pillar pesquitos, cal mullar-se os pitos.
Con dos pedos y una bufa, a cama como una estufa.
Teta que cubre mano, no ye teta, ye grano.
No bi ha coño más sano que a palma d'a mano.
+ COÑAS
Plega o pai ta casa de triballar y troba a o suyo fillo chugando:
-Ola, Francho, con qué chugas?
-Con o que me sale d'os güebos!
O pai, carrañau, le claba una ostia que l'enziende y o nino, plorando como un desasperau, le diz a la suya mai:
-Mama, no me crompes más güebos "Kinder", que papá me pega!
Son charrando dos amigos d'o que han feito lo cabo de semana:
-Pos o sabado me ligué una mozeta que teneba unas teticas... Qué teticas! Como malacatons yeran: pretas y con pelusica! Y o melico, qué melico! Embazilador! Y o culo! Qué culet más pincho y rebisalsero! Y...
-Y de cara?
-Ixo sí, carisma...
-María, traye-me una narancha!
-La te pelo?
-Güeno, pero antis traye-me a narancha...
Son un pastor y o suyo fillo cusirando as güellas por o mon y les s'amanan dos nabesaires foranos:
-Do you speak English?
-Ein? Qué dizen, pai?
-Quemisió!
-Sprechen sie Deutsche?
-Qué fablan, pai?
-Pos raro, fablan raro...
-Parlez vous francaise?
-Y da-le que te pego!
Ya espazenziaus, marchan t'atro puesto rosigando churamentos y o fillo considera:
-Jolio, ya ye güena cosa ixo de saber idiomas...
Y contesta o pai:
-Pos pa o que les ha baliu a istos!
Son una parella de zebils en o Land Rover y, en recular, le claban un trucazo a un intermitén contra una parete. O cabo le diz a l'atro:
-Miá que si l'emos estricayao! Basa-te a bé si ba u no ba.
Y l'atro contesta tot apenau:
-Ba, no ba, ba, no ba, ba, no ba...
-Siente, Manu: tu qué prefieres: buquir u fer-te pallas?
-Ombre..., pos yo, buquir.
-Y por qué?
-No sé..., asinas conoxes chen.
CHANADAS "SECSISTAS"
