 |
WAIS:
Wide Area Information Server
Azeso
a Bases de Datos de Testo Completo. En Internet
esisten millons de decumentos localizaus en bases de datos. En ellas puez
trobar libros, articlos, resúmens ezt. Ta azeder a istas bases te
fa falta un pograma-clién. Istas
bases de datos gosan trobar-se en maquinas UNIX.
WAN:
Wide Area Network
Rete
de Gran Amplaria. Ye diseñada ta abracar grans estensions cheograficas.
Disposa d'una chiqueta computadora d'emplego esclusibo en cada nodo,
a cuala se coneuta a la linia de trasmisión y mantiene operando
o rete, independienmén d'os ordinadors que la empleguen. A computadora
d'emplego esclusibo reculle o mensache probenién d'atro puesto y
lo entrega a uno d'os ordinadors locals. Azeuta mensaches de cualsiquier
ordinador local y los nimbía a trabiés d'una linia de trasmisión
enta o suyo destino.
WEB: beyer WWW.
WEBMASTER
"Amo
d'a Web". Risponsable d'a creyazión, diseño y mantenimiento
d'un puesto en a "web".
WEBMISTRESS
Femenino
de Webmaster.
WINDOWS
Finestras.
Seudo-sistema operatibo ta PCs (compatibles
con IBM). Más bien ye un entorno grafico con bellas capazidaz multifaina.
WORM
"Cuco".
Birus espezífico d'Internet
que se propaga d'un ordinador ta unatro por o rete. No afeuta a os ordinadors
presonals.
WWW:
World Wide Web
Telaraina
mundial. Ta muitos, a WWW ye o mesmo que Internet,
pero en reyalidá no ye que una parti d'ista. Podérbanos dizir,
estreitamén, que a WEB ye a parti d'Internet a la que azedemos a
trabiés d'o protocolo HTTP y,
en consecuenzia, grazias a nabesadors
normalmén graficos como Netscape. Ye un sistema d'azeso a informazión
multimeya que premite aprofitar de traza bisual y simpla toz os recursos
d'Internet.
WYSIWYG:
What You See Is What You Get
O que
beyes ye o que otienes. Mena de pogramas en os que se beye en pantalla
os decumentos tal y como risultan.
|
|