PACKET DRIVER
Chiquet pograma situgau entre a tarxeta de rete y o pograma de TCP de traza que proporziona un interfaz estándar que os pogramas pueden emplegar como si d'un "driver" se tratase.

PAP: Password Authentication Protocol
Protocolo d'Autentificazión por Claus. Protocolo que premite a o sistema berificar a identidá de l'atro punto d'a conesión por meyo d'una clau (u "password").

PASADERA: beyer GATEWAY

PASSWORD
Clau, contrazeña.

PC: Personal Computer
Ordinador presonal.

PDA: Personal Digital Assistant
Asistén Presonal Dixital. Pograma que s'encarga de atender a un usuario concreto en fainas como buscas d'informazión u trigas, siguindo criterios presonals d'o mesmo usuario. Gosa emplegar teunoloxia d'IA (Intelixenzia Artifizial).

PDF
Formato d'os decumentos de l'aplicazión "Acrobat Reader", o cualo les premite alzar todas as suyas carauteristicas graficas mientres son trasmitius.

PEER
En una conesión punto a punto, fa referenzia a cadaguno d'os estremos.

PEM: Private Enhanced Mail
Correyo Pribau Amillorau. Sistema de correyo con encriptazión.

PERL
Luengache ta manullar testos, archibos y prozesos, que tiene estrutura de 'script'. Desembolicau por Larry Wall, ye multiplataforma pos funziona en Unix.

PGP: Pretty Good Privacity
Paquete d'encriptazión de clau publica escrito por Phil Zimmerman.

PHRACKER
Pirata informatico que s'aprofita d'os retes telefonicos ta azeder t'atros sistemas u simplemente ta no bosar telefono.

PING: Packet INternet Groper
Utilidá que premite aberiguar si un determinau sistema remoto ye autibo. O mecanismo emplegau ta ista aberiguazión pende en nimbiar bels paquetes d'interrogazión espezials (emplegando lo protocolo de control ICMP) ta la maquina espezificada (con bel nombre u bella adresa IP) y a tarxeta de rete s'encargará de tornar un eco d'os mesmos ta o suyo oríxen siñalando que o sistema ye autibo.

PLUG-IN
Pograma que premiten bisualizar y interpretar archibos de testo, de bídio u de soniu de distinto formato. Con ellos se pueden bisualizar tanto animazions u graficos, como ficar-se en mundos tridimensionals u mesmo sintonizar pogramas de radio emitius por Internet. A carauteristica alazetal d'os "plug-in's" ye que son trasparens ta l'usuario que los emplega y son de raso integraus en as paxinas web. Ta istalar-los nomás cal importar l'archibo comprimiu, que puede consiguir-se de baldes en o rete, y executar a suya rutina d'istalazión en o nuestro ordinador.

PNG: Portable Network Graphics
Graficos Portiables de Rete. Formato grafico muito completo, espezialmén pensau ta retes.

POP: Post Office Protocol
Protocolo d'Ofizina de Correyos. Protocolo emplegau por ordinadors presonals ta manullar o correyo, más que más en rezeuzión.

POST: Power On Self Test
AutoTest d'Enzendiu. Serie de comprebazions que un ordinador fa d'os suyos dispositibos en l'inte d'enchegar-lo.

PPP: Point to Point Protocol
Protocolo Punto ta Punto. Protocolo d'Internet ta establir un enlaze entre dos puntos. Ye un protocolo que s'emplega ta o nimbío de paquetes de TCP/IP por a linia serie de l'ordinador.

PROTOCOLO
Son as normas que deben cumplir dos u más ordinadores ta entrecambear mensaches entre ellos. O protocolo describe tanto o formato d'os mensaches como a forma de rispuesta ta cadaguno d'ellos.

PROBEYEDOR D'AZESO
Zentro serbidor que da azeso loxico a Internet, ye dizir, sirbe de pasadera (gateway) entre l'usuario final y Internet.

PROBEYEDOR DE CONESIÓN
Entidá que proporziona y chestiona l'enlaze fesico a Internet. Por exemplo, Telefónica.

PROXY
Serbidor Caché. O 'proxy' ye un serbidor que ye  coneutau normalmén a o serbidor d'azeso a la WWW de un probeyedor d'azeso y ba almazenando toda la informazión que os usuarios descargan d'a WEB; por ende, si belatro usuario azede a trabiés d'o 'proxy' a bel puesto prebiamén besitau, recullirá la informazión d'o serbidor 'proxy' muito más rapedamén, en cuenta de fer-lo unatra begada d'o serbidor reyal.

PU: Physical Unit
Unidá Fesica.

PUERTO
Toda combersa TCP/IP entre una aplicazión serbidora se reyaliza emplegando un numero común denominau 'puerto', de traza parellana a las canals que emplegan as emisoras de radio. A más gran parti d'os protocolos d'alto libel d'Internet poseyen un puerto estándar, encara que pueden emplegar atros numers como puertos alternatibos.

PUNTO NIUTRO
Punto d'enlaze de toz os probeyedors d'azeso y de conesión a Internet en España. Con este nuebo nodo, todas as conesions entre 'hosts' españols se ferán sin que os paquetes tiengan que salir d'o territorio de l'Estau.

PVC: Permanent Virtual Circuit
Zircuito Birtual Permanén. Linia birtual punto ta punto establida normalmén por meyo de conmutazions de caráuter permanén, ye dizir, a trabiés d'un zircuito establiu.

       CERRAR