DIZIONET
Dizionario aragonés
de terminos informaticos y d'internet

Endize - A - B - C - D - E - F - G - H - I - J - K - L - M - N - O - P - Q - R - S - T - U - V - W - X - Y - Z
MacOS: Macintosh Operative System
Sistema operatibo d'Apple que treballa en modo grafico, con una interfaz de fácil manullo ta l'usuario. Muito estendillau en a creyazión d'entornos multimeya, o mundo d'o diseño grafico, serbidors 'web' y que muitos han intentau emitar sin garra esito.

MAN: Metropolitan Area Network
Rete d'Amplaria Metropolitana.

MAPAS SENSIBLES
Os mapas sensibles son ainas muito emplegadas en as paxinas 'web'. Consisten en imaxens definidas por zonas; pendendo d'a zona que se selezione con o puntero d'o ratón, nabesaremos por meyo de iperbinclos enta atros puestos, bien d'o mesmo decumento HTML u bien de paxinas 'web' situgadas en o mesmo u en atro serbidor.

MBONE: Multicast Backbone
Rete d'alta belozidá en USA, diseñada ta la trasmisión masiba d'imaxens y sonius en tiempo reyal. Rete birtual que emplega os mesmos dispositibos fesicos que a propia Internet con oxeto de trasmitir datos con protocolos Multicast.

META-TAG
Etiquetas informatibas que s'emplegan en HTML y que alportan informazión sobre l'autor, o pograma, a data de caduzidá, o formato...

MILNET: Military Network
Rete d'emplego esclusibo d'o Ministerio de Defensa de USA. Estió uno d'os subretes en os que se trestalló Arpanet como consecuenzia d'a suya gran esbandidura.

MIME: Multipurpose Internet Mail Extensions
Estensions Multiproposito de Correyo d'Internet. Ye un formato que premite integrar drento d'un mensache de correyo eleutronico fichers binarios (imaxens, soniu, pogramas executables,ezt).

MNP: Microcom Networking Protocol
Protocolo de Retes de Microcom. Protocolo de correzión d'errors desembolicau por Microcom y muito emplegau en comunicazions con módem. Esisten barios lebels: MNP2(asincrono), MNP3(sincrono) y MNP4(sincrono).

MODEM: MODulator/DEModulator
Modulador/Demodulador. Dispositibo emplegau ta la trasmisión d'información a larga distanzia. A bía de trasmisión puede consistir en un cable largo u en una conesión telefonica. O módem contiene un modulador (ta nimbiar datos) y un demodulador (ta recullir-los).

MOO: Mud Object Oriented
Uno d'os muitos entornos de chuegos de rol multiusuario.

MPEG: Motion Pictures Expert Group
Grupo d'Expertos en Imáxen en Mobimiento. Formato grafico d'almazenamiento de bidio. Como lo JPEG, emplega compresión con perdas alcanzando ratios asabelo d'altas.

MROUTER: Multicast Router
Ordenador reendrezador de datos ("router") que triballa con protocolos Multicasting.

MRU: Maximum Receiving Unit
Unidá Masima de Recullida. En bels protocolos d'Internet fa referenzia a la grandaria masima d'o paquete de datos.

MS-DOS: MicroSoft Disk Operating System
Sistema Operatibo en Disco de Microsoft. Sistema d'a mena de linias de comandos, muito emplegau en PCs.

MTU: Maximum Transmission Unit
Unidá Masima de Trasmisión. Grandaria masima d'o paquete de datos en protocolos IP (como SLIP).

MUD: Multi-User Dungeon (or Dimension)
Entorno de simulazión multiusuario que premite creyar oxetos (u criaturas) que posteriormén podrán estar emplegaus por atros usuarios, consiguindo elaborar un mundo birtual produto de l'alportazión coleutiba.

MULTICASTING
Multinimbío. Teunica de trasmisión de datos a trabiés d'Internet en a que se nimbían paquetes dende un punto enta barios simultaniamén.

MULTIMEYA
Cualsiquier mena d'archibo que leba u puede lebar informazión de cualsiquier mena: testo, imáxen, soniu.. Tamién se diz asinas a o 'hardware' u sistemas informaticos que pueden leyer ixos archibos multimeya.

MUSE
Tipo de chuego MUD que no gosa lebar garra biolenzia asoziada.