DIZIONET
Dizionario aragonés
de terminos informaticos y d'internet

Endize - A - B - C - D - E - F - G - H - I - J - K - L - M - N - O - P - Q - R - S - T - U - V - W - X - Y - Z
BACKBONE
Literalmén, esquinazo. Fa referenzia os retes trallers, ye dizir, o ran superior d'o cableau d'internet, que coneuta entre sí os retes rexionals ta formar retes estatals. Estrutura alazetal de trasmisión de datos d'un rete u conchunto de retes en internet.

BANDWIDTH
Amplaria de Banda. Cantidá d'informazión que puede transmitir-se a trabiés de un canal (por exemplo, l'aire, un cable, ...). Se mide en Herzios. Cal no trafucar-la con a Capazidá d'o Canal, u siga a cantidá d'informazión que puede transmitir-se a trabiés d'una conesión por unidá de tiempo. Se mide en bits por segundo.

BAUDIO
Unidá que mide a belozidá d'as transmisions de siñals dixitals en cheneral. Ye equibalén a un siñal por segundo. Iste siñal puede estar d'un bit, dos, tres, ... seguntes a codificazión emplegada. Por exemplo, si utilizamos una codificazion con cuatro siñals diferéns, cadagún trasporta dos bits (un siñal corresponderá a o 00, atro a o 10, atro a o 01 y o zaguer a o 11), con o que en iste caso un baudio estarba dos bits por segundo.

BBS: Bulletin Board System
Tablón d'Anunzios Eleutronico. Serbidor de comunicazions que proporziona a os usuarios serbizios dibersos, como correyo eleutronico u transferenzia d'archibos.

BINHEX: BINary HEXadecimal
Algoritmo que premite codificar informazión binaria en formato ASCII de siete bits. S'emplega más que más en a transmisión de correyo eleutronico con carauters azentugaus u elementos multimena.

BIOS: Basic Input Output System
Sistema Alazetal de Dentradas y Salidas. Pograma residén, normalmén en Eprom, que controla las interazions alazetalas entre o "hardware" y o "software".

BIT: Binary Digit
Dixito Binario. Unidá menima d'informazión, a cuala puede tener dos estaus "0" u "1".

BITNET: Because It's Time NETwork
Rete desembolicada en a Unibersidá de New York que premite a os suyos usuarios l'entrecambeo de correyo eleutronico y archibos, emplegando un protocolo clamau "Store-and-Forward" (Almazena y Remite), alazetau en os protocolos IBM Network Job Entry. Bi ha tres elementos prenzipals que costituyen o rete: BITNET en os USA y Mexico, NETNORTH en Canadá, y EARN en Europa. Esisten también AsiaNet en Chapón, y bellas conesions en America d'o Sur.

BOOKMARK
Marcador. Adresa d'una página "web" que grabamos y alzamos asoziada a un nombre senzillo; sirbe ta que no calga teclear a URL completa cada begada que queramos ir-ie.

BOOTP: Bootstrap Protocol
Protocolo d'Enchegada y Asinnazión. Proporziona a una máquina una adresa IP, "Gateway" y "Netmask". Emplegau en comunicazions a trabiés de línia telefonica.

BOT
Automatismo. Pograma u "script" que reyaliza funzions que d'atra traza caldría fer manualmén.

BPS
Bits por Segundo. Nunero de bits trasmitius en un segundo.

BROWSER
Literalmén, "esgollariador", anque os terminos más comuns son os de nabegador u nabesador. S'aplica a os pogramas que premiten azeder a o serbizio WWW y esnabesar por as suyas paxinas. Os más conoxius son Netscape Navigator, Microsoft Internet Explorer y Mosaic.

BUSCADORS
Tamién, "rechiradors". Son serbidors a os que s'azede dende una página "web" y que manullan una ampla base de datos sobre recursos disponibles en o rete. L'usuario coneuta con un buscador y endica unas pocas parabras ripresentatibas d'o tema sobre o que ye buscando informazión y que s'emplegan como clau de busca. Como risultau d'a busca s'amuestra a l'usuario una lista con enlazes a paxinas "web" en cuala descrizión u contenius amanixen as parabras clau endicadas.