DIZIONET
Dizionario aragonés
de terminos informaticos y d'internet
Endize - A - B - C - D - E - F - G - H - I - J - K - L - M - N - O - P - Q - R - S - T - U - V - W - X - Y - Z
ACCOUNT
Cuenta. Ye o nombre que se da a l'autorizazión que tiene una presona ta azeder a internet. Cualsiquiera que emplegue iste rete cal que tienga una cuenta, o mesmo que qui ye clién d'un banco tiene que tener una cuenta bancaria.

ACK: Acknowledgment
Reconoximiento. Siñal de rispuesta.

ADN: Advanced Digital Network
Gosa referir-se a retes de linias dedicadas de 56 Kbps, comuns en os USA. En españa, l'equibalén estarían as linias de 64 Kbps.

AI: Artificial Intelligence
Intelixenzia Artifizial. Parti d'a informatica que estudea la simulazión d'a intelixenzia.

ANSI: American National Standard Institute
Istituto Nazional Americano d'Emologazión, a istituzión que emologa y fixa os modelos, patrons u requisitos ("standards") que deben cumplir en custions informaticas u de comunicazión por retes.

API: Aplication Program Interface
Ye o conchunto de rutinas d'o sistema que se pueden emplegar en un pograma ta la chestión de dentrada y salida de datos ("input/output"), chestión d'archibos, etz

APPLET
Elemento produziu en luengache JAVA capaz d'integrar-se en una paxina HTML. Ye un chiquet pograma que se trasfiere a trabiés d'internet y dimpués s'executa en o tuyo ordinador.

ARCHIE
Ye una utilidá que premite reyalizar consultas a bases de datos que almazenan o conteniu d'os prenzipals serbidors de FTP anonimo. A partir d'o nombre d'un archibo, puede emplegar-se ARCHIE ta otener una lista de serbidors FTP en os que se puede trobar dito archibo.

ARPANET
Gran rete, fundau por ARPA (Advanced Research Project Agency: Axenzia de Proyeutos de Rechiras Enantadas) y que funzionó dende 1960 dica 1990 como base d'as primeras rechiras sobre retes y como uno d'os pilars alazetals ta o desembolique d'internet.

ARQUITEUTURA CLIÉN-SERBIDOR
Forma común de describir a traza d'autuazión de muitos protocolos de rete, en os que un sistema u prozeso demanda a unatro sistema u prozeso que le preste un serbizio. Una estazión de triballo que demanda o conteniu d'un archibo a un serbidor d'archibos ye un clién d'iste serbidor.

ARROBA
Ye o siñal @. En anglés se leye como "at" (en). Trestalla las dos partis d'una adreza de correyo eleutronico.

ASAP: As Soon As Possible
Contrantis. Mandato u ozión en un rete u pograma que determina la prioridá d'una faina.

ASCII: American Standard Code for Information Interchange
Codigo Emologau Americano ta l'Entrecambeo d'Informazión. A tabla de carauters ASCII ye formada por 128 letras, simbolos y siñals de control. Bi ha unatra bersión enamplada de 256 carauters.

ASN: Autonomus System Number
Numero de Sistema Autnomo. Conchunto de "routers" y retes controlaus por una unica autoridá almenistratiba.

ATM: Asyncronous Transmision Mode
Modo de Trasmisión Asincrona.

ATTACHMENT
Achunto. Archibo que s'achunta a un nimbío de correyo eleutronico; puede estar un testo, un grafico, un soniu u cualsiquier atra mena d'archibo, u mesmo una paxina "web" u bel pograma.

AUTOPISTAS D'A INFORMAZIÓN
Futuros sistemas de distribuzión d'informazión alazetaus en a fibra optica, que premitirán l'entrecambeo d'imaxens y soniu en tiempo reyal, a telecrompa sigura, l'aczeso a cuentas bancarias y muitas atras posibilidaz, y podrán chunificar os retes informaticos, telefonicos y de telebisión por cable en un sistema unico. Internet no ye una autopista d'a informazión, encara que ístas s'alazetarán prebablemén en a suya traza de funzionar. O termino lo popularizó Al Gore, bezipresidén d'os USA.