Acochaba lo chunco 
lo talle berdiblanco 
pa beber l'agua fresca 
de lo barranco. 

Pero lo cauze siempre 
xuto trobaba, 
que feba muitas lunas 
no plebizniaba. 

Sí. Se morié de set, 
que lo barranco 
s'implié cuando lo chunco 
yera ya canso. 

ME'N IRÉ

A l'alba me'n iré, 
sin de precura, 
cuando la nuei se rinda 
a la blancura, 
cuando la luna, cansa, 
se retira 
y los gallos li cantan 
a la bida. 

PLEBEBA

S'eslizaba la boira 
peinando la selba. 

Los abez, tan dreitos 
ya ni se bieban. 

L'aire umedeziu 
eba un son de pena. 

Fuemos caminando 
sin tartir ni meya, 
plegando ta un punto 
do acaba la senda. 

Allora... pillemos 
distinta endrezera. 

Caminar ya chuntos 
preziso no'n yera. 

Sola, una glarima 
quedé entre la plebia.