 |
 |
 |
 |
 |
 |
Prexinallo
Berde ye un fanzín que amanixe en otubre de 1988 como risultau
d'as barucas d'una colla de chen que aimaba fer aragonesismo dende
una ambiesta alternatiba, fura y chuzona; d'astí, o nuestro lema:
"Coña y Caña en Aragonés". Dende allora, as cosas
(y as presonas) son cambeadas asabelo, pero l'esprito contina estando lo
mesmo.
O
que le peta. Ye un fanzín ubierto, d'esprito cretico y libre.
En él trobarás informazions, traduzions, articlos d'opinión,
"conyas",
o "3tallo" (cartas d'os leutors), debuxos, falordias,
retolicas...
Si t'agana, puedes colaborar-ie nimbiando-mos os tuyos articlos,
imaxens, poemas u pallas mentals ta o nuestro trestallo postal 4118 de
Zaragoza u ta o nuestro correyo eleutronico
en internet.
Encá
que ha sufriu altibaxos, gosa estar publicau cada mes, eszeuto en
l'estiu (asinas que no dixes d'amanar-te por astí con ixa periodizidá:
ye una mena de "regle" berde...; si se'n dezaga, malo!).
Ye
prou con nimbiar-mos os tuyos datos
(nombre y adresa completa) ta o trestallo 4118 de Zaragoza u por correyo
eleutronico. A conduta añal (chusto ta cubrir a imprentazión
y os gastos de nimbío) ye de 1000
pezetas ta recullir os onze numers y o
nuestro agradeximiento eterno. D'atra parti, puedes pasar-te por ista paxina
y podrás leyer-ne escais alto u baxo periodicamén (pero si
en tienes intrés, te recomendamos
que te i suscribas, pos en o rete posamos
sólo que parti d'o que se i publica).
QUE PASA POR ASTÍ |
|
MESMO AS TUYAS CRETICAS (SI T'ATRIBES!) ESCRIBE-MOS! |
 |
 |
O PRIMER FORO D'ALPARZEYO Y DEBATE EN ARAGONÉS |