O conserche

Toz os diyas fa o mesmo, os mesmos quefers, as mesmas rispuestas a toz... Buen diya! Oi, parixe que escampa ista boira preta. Encara no bi plega la cartera... Ye un siñor simpatico, de contino con o riso en a cara. No da pellada.  Remero que, de chiquet, cuan teneba unas zinco u seis añadas, aparixié o "portero eleutronico". No bi eba bisto dengún y pensaba que yera bella espezie de zarrio estranio con güellos royos y luzetas por toz os puestos. Cuan beyié o primer, as mías asperanzas sobre a teunica y o progreso cayón como una torre de cacholotos que s'esboldregan en o supermercau con un simplo truquet.  Me pienso a bezes que poderba estar perfeutamén un robot qui fese as suyas fainas. Qui desembolicase as suyas ocupanzias monotonas y cutianas, pero de seguro que no estarba o mesmo. A más a más, os robots podrán fer bel diya isto, seguro que sí; pero si estase un robot qui me'n dase a bienbenita, dimpués en l'aszensor no poderba repensar sobre a suya güellada trista, a suya esprisión de malinconía rebutién de nafras de bida, o suyo riso que amaga os camatons de pallas que se'n fa.

"ZIBER-RUFIERTA" (http://come.to/rufierta)  Author: O Golagután Subject: O conserche  Date: Mon Feb 9 16:59:28 1998

---