A edizión corrió a cargo d'a Fundazión Iniziatiba Aragonesa, que l'adedicó a "cuantos apoyan el trasvase del Ebro y en especial a los diputados y senadores del Partido Popular, Coalición Canaria y Convergencia i Unió que votaron a favor del Plan Hidrológico Nacional" y les ne fazió plegar un exemplar ta cadaguno d'ellos.

Se'n fazioron milzincozientos exemplars y a suya benda estió tan rapeda que antis de rematar chunio yera cuasi acotolada la edizión y no bagó ta distribuyir-la en botigas y librerías; agora han feito una reimprentazión d'atros zincozientos exemplars, asinas que si en quiers beluno, escribe-les (500 pzta/ exemplar, gastos de nimbío incluyius). De todas trazas, ya ye en paranza una segunda edizión correxida y enamplada.

Astí tenez a "Introduzión" de l'autor, que ufre más datos sobre a chestazión d'a obra, y a reseña biografica d'o mesmo que fazioron en a presentazión d'o libro.