DIZIONET
Dizionario aragonés
de terminos informaticos y d'internet

Endize - A - B - C - D - E - F - G - H - I - J - K - L - M - N - O - P - Q - R - S - T - U - V - W - X - Y - Z
RARP: Reverse Address Resolution Protocol
Protocolo de Resoluzión d'Adresa de Tornada. Protocolo de baxo libel ta l'asinnazión d'adrezas IP a maquinas simples dende un serbidor en un rete fesico.

RDSI: Rete Dixital de Serbizios Integraus
Rete de telefonica con amplaria de banda dende 64Kbps. Semellán a o rete telefonico de boz en o tocán a nezesidaz d'istalazión de cara ta l'abonau, pero dixital. (En anglés ISDN).

RECURSOS
Son os dispositibos que se comparten en o rete, como los discos duros, caderrons, impresoras, escáners etz.

REDIRIS
Ye a organizazión encargada d'o rete estatal de I+D (Imbestigazión y Desembolique). RedIris, entre atros recursos, ufre barios serbizios de comunicazions. Entre ellos fegura la infrastrutura de comunicazions nezesaria ta la trasferenzia de datos entre os dibersos retes españols. A estrutura que soporta os serbizios de trasporte de RedIris ye un rete X25 denominau ARTIX.

RETRAIN
Se clama asinas a l'aizión que executa un módem ta restablir o sincronismo con unatro módem dimpués d'una perda de comunicazión.

RFC: Request For Comments
Demanda de Comentarios. Ye o nombre que se da a una serie de normas que definen o protocolo TCP/IP, asinas como los suyos decumentos relazionaus.

RIP: Routing Information Protocol
Protocolo d'Endrezadura d'Informazión (por a conesión entre dos retes).

ROOT
Radiz. En sistemas d'archibos se refiere a o direutorio radiz. En Unix se refiere a l'usuario prenzipal.

ROUTER
S'adedica esclusibamén a la conesión entre dos retes y a endrezar os paquetes d'informazión d'una t'atra. Ye un ordinador que s'encarga de trasmitir datos dende o suyo nodo enta atro nodo ta que a informazión plegue ta o suyo destino (una armilla d'a cadena de trasmisión).

RSA: Rivest, Shamir, Adelman [public key encryption algorithm]
Algoritmo d'encriptazión de clau publica desembolicau por Rivest, Shamir y Adelman.

RTC: Rete Telefonico Conmutau
Rete telefonico ta la trasmisión de boz.

RTP: Real Time Protocol
Protocolo de Tiempo Reyal. Protocolo emplegau ta la trasmisión d'información en tiempo reyal, como por exemplo, audio y bidio en una bidio-conferenzia.

RWIN: Receive Window
Finestra de rezeuzión. Parametro d'un TCP que determina la cantidá masima de datos que puede recullir l'ordinador que autúa como rezeutor.

RX
Abrebiadura de 'Rezeuzión' u 'Recullindo'.