FAT: File Allocation Table.
Tabla de Localizazión d'Archibos. Sistema d'organizazión d'archibos en un disco duro, muito emplegau en PC.

FDDI: Fiber Distributed Data Interface.
Sistema que premite trasferir datos a trabiés de fibra optica a una belozidá de 100 Mbps.

FIDONET
Antis de l'esito d'internet, uno d'os sistemas más emplegaus yera o rete Fidonet. Ye una federazión de BBS indibiduals y de tipo no profesional que tamién premite l'etrecambeo de mensaches entre usuarios finals de distintos nodos.

FINGER
Protocolo de alto lebel que premite otener informazión sobre os usuarios que son coneutaus a un determinau sistema remoto en un inte dau. Conoxendo lo nombre de cuenta d'un determinau usuario, ye posible conoxer informazión detallada arredol d'o mesmo.

FIREWALL
Literalmén, "curtafuegos". Ye un ordenador u un pograma que mos premite l'azeso a Internet pero priba que un usuario no autorizau azeda a o nuestro sistema.

FIX: Federal Interagency Exchange.
Interaxenzia Federal d'Entrecambeo.

FLUXO
Cantidá d'ocupazión en una amplaria de banda. Por exemplo, en una linia de 1 Mbps. puede aber-ie un fluxo de 256 Kbps. con o que os 768 Kbps. remanens estarban libres.

FRAME
Estrutura, tarabidau. Cualsiquiera d'as partis en as que se puede trestallar la finestra prinzipal que amuestra en a pantalla un nabesador. Tamién, trama de datos.

FRAME RELAY
Protocolo d'enlaze por meyo d'un zircuito birtual permanén. Muito emplegau ta dar conesion dreita a Internet.

FREEWARE
Software que puede baxar-se d'internet u emplegar-se sin tener que caxar cosa por él.

FTP: File Transfer Protocol.
Protocolo de Trasferenzia d'Archibos. Uno d'os protocolos de trasferenzia más emplegau en internet, que sirbe ta trasferir u entrecambear archibos entre ordenadors.

FTP ANONIMO:
O FTP anonimo ye un sistema que premite azeder a un serbidor FTP que aporta boluntariamén os suyos contenius a o rete Internet, pasando istos a estar d'azeso publico (u siga, que no s'amenista garra prozeso d'identificazión ta otener-los).