DIZIONET
Dizionario aragonés
de terminos informaticos y d'internet

Endize - A - B - C - D - E - F - G - H - I - J - K - L - M - N - O - P - Q - R - S - T - U - V - W - X - Y - Z
E-MAIL: Electronic Mail
Correyo Eleutronico. Sistema de mensachería informatica parellano en muitos aspeutos a o correyo ordinario, pero muitismo más rapedo. Premite nimbiar y recullir informazión de traza pribada ta/de atros usuarios u grupos d'usuarios en cualsiquier parti d'o mundo a cualsiquier ora d'o díya. Cada presona disposa d'una adresa de correyo que l'identifica de forma uníboca como pertenexén a un determinau sistema drento d'o rete. Ta que recullamos "e-mails" amenistamos d'un buzón de correo eleutronico (espazio en o disco duro d'o serbidor), que lo mos proporzionará o nuestro probeyedor d'internet. Ta o nimbío de mensaches no cal establir una conesión dreita entre os sistemas d'orixen y destino, sino que o mensache ye endrezau a trabiés d'atros nodos entremeyos.

EBONE: European backBONE
Literalmén, "esquinazo europeo". Ye a infraestrutura d'o Rete de Gran Amplaria (WAN) que coneuta a muitos paises europeos entre ellos y con internet.

EFF: Electronic Frontier Foundation
Fundazion d'a Muga Eleutronica. Organización ta la esfensa d'os dreitos d'os ziudadanos d'o Ziberespazio.

EMOTICÓN: beyer SMILEY

ENCRIPTAZIÓN
Teunica por a que a informazión se fa ileyible ta terzeras presonas. Ta poder azeder a ella ye nezesaria una clau que solo conoxen que l'emisor y o rezeutor. S'emplega ta pribar o furto d'información arriscada, como los numers de tarxetas de crédito.

ENLAZE: beyer LINK.

ESNIC
Entidá almenistratiba d'internet que s'encarga de chestionar os nombres de dominio en España.

ETHERNET
Popular teunoloxía de Retes d'Amplaria Local (LAN) creyada por Xerox Corporation. Un rete Ethernet consiste en un cable a o que se coneutan os ordinadors. Cadaguno d'ellos nezesita d'un "hardware", conoxiu como tarxeta d'interfaz, ta poder conectar-se con o rete Ethernet.

ETSI: European Telecommunication Standard Intitute.
Istituto Europeo d'Emologazión de Modelos ta Telecomunicazions.